* * *

– Хабос, кæм кусыс?

– Никуы.

– Уæдæ цы фæархайыс?

– Ницы.

– Замманай куыст!

– О, фæлæ конкуренци стыр у!

* * *

– Мæ чызг, цы кусыс, цы?

– Писмо фыссын.

– Æмæ гыццыл куы дæ, фыссын куы нæма зоныс.

– Æмæ цы? Нæ сыхæгты чызг дæр гыццыл у, кæсын нæ зоны.

* * *

– Ахæм диссаг ма уа – нæ ахуыргæнæг куыдз никуы федта!

– Цæмæн дæм афтæ кæсы?

– Куыдз сныв кодтон, æмæ мæ фæрсы, уый, дам, цы у!

* * *

Иу сывæллон иннæмæн дзуры:

– Нæ нанаты нанатæ телевизор, компьютер, дзыппыдаргæ телефон цы у, уый нæ зыдтой.

– Æмæ уæд куыд цардысты?

– Уый тыххæй амардысты!

* * *

– Дохтыр, изæры æмдзæвгæтæ куы фæфыссын, уæд мæм æнæхъæн æхсæв хуыссæг æмгæрон нал фæцæуы.

– Цы ныффыссыс, уый-иу кæс, æмæ дæ хъуыддаг – раст.

* * *

Лæг изæры куыстæй хæдзармæ æрбацыд. Йæ бинойнаг ын æппæлы:

– Нæ лæппу абон йæ фыццаг ныхас загъта! Æмæ цы уыд, уый зоныс? «Папæ»!

– Тынг хорз! Æмæ кæм уыдыстут?

– Сырддоны. Уым маймули федта.

* * *

– Хорз лæг, бæгæны дын рахæссон? – фæрсы официант.

– Нæ, машинæйыл дæн, уазал дон мын рахæсс.

Официант бæгæны æрбахаста æмæ загъта:

– Дæ бон у бæгæны бануазын, дæ машинæ дын чидæр адавта.

* * *

– Дæ хъæрмхуыпп куынæ бахæрай, уæд пъæлицæйагмæ фæдзурдзынæн.

– Мамæ, афтæ дæм кæсы, æмæ йæ уый бахæрдзæн?!

* * *

– Алан, абон скъолайы цы куыстат?

– Динамит цы у, уый иртæстам.

– Райсом та скъолайы цы уыдзæн?

– Цавæр скъолайы?!

* * *

– Æртæмæ цыппар куы бафтауай, уæд цас уыдзæн?

– Авд.

– Авдмæ цыппар та?

– Нæ зонын. Иуæндæсмæ нымайын нæ нæма ахуыр кодтой.

* * *

Лæппутæ уынджы бадынц. Сосе сæм бацыд æмæ сæ фæрсы:

– Физонæг хæрдзыстут?

– Уæдæ!

– Гъемæ, куы хæрат, уæд-иу мæнмæ дæр бадзурут.

* * *

– Дада, бахæр-ма ацы къафетт!

– Бузныг, мæ хур.

– Адджын у?

– Тынг.

– Диссаг, уæдæ йæ нæ къæбыла æмæ гæды цæуылнæ бахордтой?

* * *

– Михал, цæй æнкъард дæ?

– Райсом мæ уарзон чындзы цæуы.

– Уый дын гъе! Чи йæ куры?

– Мæнæ мæхæдæг…

* * *

– Симæ, чындзы цæуылнæ цæуыс?

– Мæ уарзон депутат у. Ныхасæй хъуыддагмæ рахизын йæ бон нæу.

* * *

Сæрмæт, рацу иумæ ахъазæм!

– Мæ фыд тынг тызмæг у æмæ мæ нæ ауадздзæн. Мæ уроктæ мын куы фæкæны, уæд æнæмæнг хъуамæ йæ разы уон.

* * *

Мæгуыр лæппу уарзта хъæздыг чызджы.

– Цы хъæздыг дæ, – загъта чызгæн.

– О, мæнмæ ис милуан доллæры.

– Чындзы мæм ацæудзынæ?

– Ницы хуызы.

– Афтæ дæр æй зыдтон.

– Уæдæ ма мæ цæмæ фарстай?

– Милуан доллæры кæй къухæй ацъыввытт ласынц, уый, зæгъын, йæхи куыд фенкъары…

* * *

– Папæ, гуымсæг-ма мын балхæн!

– Уый хъуаг ма стæм! Куысты æнæуи дæр хъæр-хъæлæбайæ бафæллайын.

– Балхæн мын! Æз-иу ыл цæгъддзынæн, æрмæстдæр фынæй куы кæнай, уæд.

* * *

Фыд йæ лæппумæ дзуры:

– Мæ хур, тагъд дын уыдзæн чысыл хо!

– Папæ, сайгæ цæмæн кæныс? Тутийæ мын зæрдæ куы бавæрдтай!

* * *

– Нæ лæппу та мын мæ чыссæйæ æхца систа! – мæстыйæ зæгъы лæг.

– Уый аххос æй цæмæн кæныс? Уæд та сæ æз систон? – фæрсы ус.

– Нæ, чыссæ бынтон афтид нæу.

* * *

– Савели, кæм уыдтæ, кæ?

– Дохтырмæ. Мæ дæндаг срыст.

– Æмæ дын нал риссы?

– Нæ зонын, дохтырмæ йæ ныууагътон.

* * *

Дохтыр рынчыны фæрсы:

– Чындзыцыд дæ?

– О, дыккаг хатт.

– Сывæллæттæ дын ис?

– Æхсæз. Дыууæ – фыццаг лæгæй, дыууæ – дыккагæй, иннæтæ æрмæстдæр мæхи сты.

* * *

Ус поликлиникæйæ æрбацыд:

– Дохтыр мын загъта, ацы аз мæ денджызы был баулæфын кæй хъæуы. Цы равзарон, Сочи æви Ялтæ?

– Равзар æндæр дохтыры!

* * *

Дыууæ горæтаджы фыццаг хатт хъæумæ æрцыдысты. Кæсынц, æмæ дыргъдоны æппæт бæлæстыл фæткъуытæ зайы, æрмæст сæ иуыл – нæ. Сæ рæзты цы сывæллон фæцæйцыд, уый фæрсынц:

– Мыййаг, ацы бæласыл фæткъуытæ цæуылнæ зайы, уый нæ зоныс?

– Зонын. Тулдз бæлас у, æмæ уымæн.

* * *

– Гæлæу, дæ мад æмæ фыдæй фылдæр кæй уарзыс?

– Мæ фыды.

– Цæмæн?

– Хæдзары никуы вæййы, æмæ уымæн.

* * *

– Мæ зынаргъ, ахæстоны бакомкоммæ цы Иванов цæры, уый зоныс?

– Зонын, æмæ цы?

– Ныр йæ хæдзары бакомкоммæ цæры.

* * *

– Мæ хъæбул, цæй, куыд уыд дæ фыццаг бон скъолайы?

– Тынг хорз. Æрмæст ахуыргæнæг цыдæр æнахуыр рауад: æппындæр ницы зоны, алцæмæй дæр мæн фарста.

* * *

Фыд сывæллоны фæрсы:

– Дæ фаззон ноггуырд хотæ дæ зæрдæмæ фæцыдысты?

– О. Фæлæ йæ не ‘мбарын, иууылдæр ам цæрдзысты æви дзы равзарæн ис?

* * *

Ахуыргæнæг фæрсы скъоладзауы:

– Руслан, сæдæ сомы дæм куы уа, æмæ ма де ‘фсымæрæй иу уыйбæрц куы ракурай, уæд дæм цас æхца уыдзæн?

– Сæдæ сомы.

– Нымайын нæ зоныс?

– Уый ды ме ‘фсымæры нæ зоныс. Зымæгон дзы миты къуыбар нæ рантысдзæн…

* * *

Поезд станцæйы цалдæр минуты йеддæмæ нæ лæууыд, æмæ бæлццон иу сывæллонмæ æхца авæрдта, дуканийæ мын рæвдз дыууæ чысыл адджын гуылы æрбадав, зæгъгæ. Лæппу фæзынд иу гуылимæ.

– Æмæ дыккаг та кæм ис?

– Ахордтон æй!

– Куыд æй ахордтай?

– Мæнæ афтæ! – æмæ та лæппу иннæ гуыл дæр фæдæле кодта.