Мах амондджын стӕм, Нафи кӕмӕн уыд, зӕйласт мыггаджы фӕстӕ Нафи кӕмӕн баззад.
Литературон быдыртӕ дардыл сты, сӕ басгарын, сӕ диссаджы хӕзнатӕ рӕгъмӕ рахӕссыныл кӕуылты сты Нафийы фыдӕбӕттӕ, ӕфтауцдӕттӕ? Цард вазыгджын у, бирӕ ахсджиаг ӕмӕ быцӕуаг фарстатӕ дзы ис абоны бон дӕр. Уыдон раиртасын, ӕрбиноныг кӕныныл Нафийӕн цы бантыст, уыйбӕрц иуӕн дӕр нӕ бантыст. Не ‘взаджы быцӕуаг фарстытӕ, нӕ нывӕфтыд литературӕйы рараст кӕнинаг хъуыддӕгтӕ – чи сӕм арӕхст Нафийы хуызӕн?
Нӕ литературӕйы зонадон хӕзнадонӕн Нафи у сӕрӕвӕрӕн.
Абон не ‘хсӕн нал ис, ацыд, уый нӕ уырнгӕ дӕр нӕ кӕны. Ӕрвылбон дӕр Нафи ныхас кӕны немӕ, цы загъта, цы фӕллӕйттӕ ныууагъта, уыдон махимӕ дзурынц Нафийы хъӕлӕсӕй.

#журналмахдуг  #нафи